Ադրբեջանի վարչապետ Ալի Ասադովը, ելույթ ունենալով Մոսկվայում ԱՊՀ երկրների կառավարությունների ղեկավարների խորհրդի նիստում, հայտարարել է, թե Բաքուն «վճռական է շարունակելու ջանքերը տարածաշրջանում խաղաղության և անվտանգության ամրապնդման ուղղությամբ»։ Այս մասին հայտնում են ադրբեջանական լրատվամիջոցները։
«Առիթից օգտվելով ցանկանում եմ վերահաստատել Ադրբեջանի լիակատար վճռականությունը՝ շարունակելու ջանքերը տարածաշրջանում խաղաղության և անվտանգության ամրապնդման ուղղությամբ։ Հաշվի առնելով վերջին շրջանում ստացված դրական ազդակները, մենք չափազանց կարևոր ենք համարում այս ուղղությամբ կառուցողական երկխոսության շարունակությունը։ Այս պատմական հնարավորության ռացիոնալ օգտագործումը թույլ կտա մեզ հասնել տարածաշրջանում երկար սպասված խաղաղությանը և հույս ներշնչել մեր տարածաշրջանի բոլոր մարդկանց խաղաղ և անվտանգ համակեցության համար»,-ասել է Ասադովը։
Հավելենք, որ Հայաստանը ԱՊՀ կառավարությունների ղեկավարների նիստում ներկայացնում է փոխվարչապետ Մհեր Գրիգորյանը։
