13.09.2026 | 21:40
Ցեմենտի շուկայում պակասուրդը պայմանավորված է հարևան երկրներից եկող մատակարարումների խաթարումներով․ Գևորգ Պապոյան
ՆԳՆ ոստիկանության պետի տեղակալը Բուխարեստում հանդիպել է Ռումինիայի ոստիկանության գլխավոր տեսուչի տեղակալի հետ
Հասարակություն
16.12.2023 | 13:25
Դեկտեմբերի 13-ից 15-ը Ռումինիայի մայրաքաղաք Բուխարեստում կայացել է կիբեռհանցավորության դեմ պայքարում համագործակցությանը նվիրված «Օկտոպուս» համաժողովը, որի շրջանակում ՆԳՆ ոստիկանության պետի տեղակալ, ոստիկանության գնդապետ Վարդան Վարդանյանը հանդիպել է Ռումինիայի ոստիկանության գլխավոր տեսուչի տեղակալ, ոստիկանության գլխավոր քվեստոր Էդուարդ Միրիցեսկուի հետ։ Հանդիպումը կազմակերպվել էր Հայաստանում Ռումինիայի դեսպանատան աջակցությամբ. տեղեկացնում են ՆԳՆ ոստիկանությունից։
Քննարկվել են երկու պետություններում անդրազգային հանցավորության, այդ թվում՝ կազմակերպված հանցավորության դեմ պայքարի գործիքակազմերը, համագործակցության շրջանակներն ու հեռանկարները։
Անդրադարձ է կատարվել նաև կիբեռհանցագործությունների, մասնավորապես՝ համացանցի միջոցով թմրամիջոցների ապօրինի շրջանառության դեմ պայքարի, հանցավորության մակարդակի նվազման ուղղությամբ իրականացվող աշխատանքներին։
