07.10.2026 | 15:26
«Ռոսատոմը» հաստատել է՝ հայկական ԱԷԿ-ը մինչև 2031 թվականը պատրաստ կլինի անվտանգ շահագործման
Իրանում կրակոցները ոստիկանների կյանք են խլել․ վիրավորներ կան
Քաղաքականություն
15.12.2023 | 19:53
Դեկտեմբերի 15-ի գիշերը Իրանի հարավ-արևելքում ահաբեկչություն է տեղի ունեցել։ Անջատողական խմբավորման անդամները կրակ են բացել Ռասկ քաղաքի ոստիկանական բաժանմունքում, ինչի հետևանքով զոհվել է առնվազն 11 մարդ, մի քանիսը վիրավորվել են։ Այս մասին հայտնում է The Independent-ը։
Սիստան և Բելուջիստան նահանգի փոխնահանգապետ Ալի Ռեզա Մարհեմատիի խոսքով՝ փոխհրաձգության ժամանակ մի քանի զինված տղամարդ է սպանվել։
Հրաձգության հետևանքով զոհվածների թվում են բարձրաստիճան ոստիկաններ և զինվորներ:
Պետական հեռուստատեսությունը հայտնել է, որ «Ջեյշ ալ-Ադլ» (Արդարության բանակ) անջատողական խմբավորումը ստանձնել է հարձակման պատասխանատվությունը: Այն նաև ստանձնել էր 2019 թվականին ավտոբուսի մահապարտ-ահաբեկչի կողմից պայթյունի պատասխանատվությունը, որի հետևանքով զոհվել էր Իրանի հեղափոխական գվարդիայի 27 անդամ:
Հիշեցնենք՝ Իրանը հայտարարել էր, որ երկրի անվտանգության ծառայությունները մայրաքաղաք Թեհրանում կանխել են լայնածավալ ահաբեկչություն, որը, ըստ իշխանությունների, նախապատրաստում էին ԻԼԻՊ-ի զինյալները։ Գործողությունների ընթացքում առգրավվել է զենք և տեխնիկա, այդ թվում՝ հսկայական քանակությամբ պայթուցիկ նյութեր, ռումբեր, պայթուցիկ սարքերի համար նախատեսված մեծ քանակությամբ նյութեր։
