15.01.2026 | 10:55
«Ռեալը» սենսացիոն պարտություն է կրել Ալվարո Արբելոայի նորամուտի խաղում․ ՏԵՍԱՆՅՈՒԹ
Վենեսուելան և Գայանան պայմանավորվել են պատերազմ չսկսել
Քաղաքականություն
15.12.2023 | 23:14
Գայանան և Վենեսուելան պայմանավորվել են խուսափել «ուժի կիրառումից» և պետությունների ղեկավարների հանդիպումից հետո չսրել լարվածությունը նավթով հարուստ Էսսեկիբո շրջանի շուրջ վեճերի պատճառով, գրում է BBC-ի ռուսական ծառայությունը:
Գայանայի նախագահ Իրֆաան Ալին և Վենեսուելայի նախագահ Նիկոլաս Մադուրոն Քինգսթաուն օդանավակայանում (Սենտ Վինսենթ և Գրենադիններ) բանակցություններ են վարել Լատինական Ամերիկայի երկրների ներկայացուցիչների հետ։ Նրանք համատեղ հայտարարություն են տարածել, որում պարտավորվել են «ոչ մի դեպքում չսպառնալ կամ ուժ չկիրառել միմյանց դեմ» և «խոսքով կամ գործով զերծ մնալ էսկալացիայից»։
Նավթով հարուստ Գայանա-Էսսեկիբո շրջանը պատկանում է Գայանային, սակայն Վենեսուելան տասնամյակներ շարունակ վիճարկում է սեփականության իրավունքը:
Հակամարտությունը սրվել է 2015 թվականին, երբ Էսսեկիբոյում նավթի մեծ հանքավայր է հայտնաբերվել։
Դեկտեմբերի սկզբին Մադուրոն Վենեսուելայում հանրաքվե անցկացրեց այս վիճելի տարածքի վերաբերյալ, և ընտրողների ավելի քան 95%-ը հավանություն տվեց տարածքի նկատմամբ ինքնիշխանության հաստատմանը։ Դրանից հետո Վենեսուելայի առաջնորդը հայտարարեց, որ հավանություն է տալիս Էսսեկիբոյում նավթային հանքավայրերի շահագործմանը։
Այժմ երկու առաջնորդները պայմանավորվել են ստեղծել ԱԳ նախարարների համատեղ հանձնաժողով՝ վիճելի տարածքում ծագած ցանկացած հարցի լուծման համար, ինչպես նաև նոր հանդիպում անցկացնել Բրազիլիայում՝ քննարկելու Էսսեկիբոն:
