06.06.2026 | 01:06
«Ուժեղ Հայաստանի» մասնակցությունը կվիճարկվի՞ Վարչական դատարանում, թե՞ ոչ․ «Հանրապետության» անդամը՝ իրենց որոշման մասին
Գլխավոր դատախազի տեղակալ Պողոսյանի գլխավորած պատվիրակությունը Բուխարեստում մասնակցում է կիբերհանցագործության դեմ պայքարում համագործակցությանը նվիրված կոնֆերանսին
Հասարակություն
14.12.2023 | 15:19
Գլխավոր դատախազի տեղակալ Արթուր Պողոսյանի գլխավորած՝ Հայաստանի Հանրապետության պատվիրակությունը դեկտեմբերի 13-15-ը Ռումինիայի մայրաքաղաք Բուխարեստում մասնակցում է Կիբերհանցագործության դեմ պայքարում համագործակցությանը նվիրված «Օկտոպուս» համաժողովին․ տեղեկացնում են ՀՀ գլխավոր դատախազությունից։
Միջոցառման շրջանակում ՀՀ պատվիրակությունն այսօր մասնակցել է նաև Եվրոպական միության և Եվրոպայի խորհրդի կողմից համատեղ իրականացվող CyberEast նախագծի փակման միջոցառմանը:
Համաժողովի միջոցառումներից է Կիբերհանցագործության ռազմավարությունների վերաբերյալ տարածաշրջանային բարձրաստիճան հանդիպումը՝ նվիրված Արևելյան գործընկերության տարածաշրջանում կիբերհանցագործությունների դեմ պայքարի առաջնահերթություններին:
Միջոցառման ընթացքում ստորագրվելու է կիբերհանցագործությունների դեմ պայքարում ռազմավարական առաջնահերթությունների վերաբերյալ երկրորդ հռչակագիրը:
