25.11.2024 | 18:43
Վարչապետի գլխավորությամբ քննարկվել է 2024 թ. 9 ամսվա պետական բյուջեի կատարողականի հաշվետվությունը
Թուրքիայում, ի նշան Իսրայելի դեմ բողոքի, կրակ են բացել Starbucks-ի ուղղությամբ
Քաղաքականություն
14.12.2023 | 16:52
Թուրքիայում՝ Ադանա քաղաքում զինված անձը նախօրեին որսորդական հրացանով կրակ է բացել Starbucks սրճարան ուղղությամբ՝ այդ կերպ իր բողոքն արտահայտելով Իսրայելի դեմ, գրում են թուրքական լրատվամիջոցները։
Ականատեսները հայտնում են, որ հարձակումից առաջ զինված անձը բարձրաձայնել է իր դրդապատճառները՝ բղավելով՝«Պաղեստինում երեխաներն արյունահոսում են, հեռացե՛ք այստեղից»։ Միջադեպի հետևանքով ոչ ոք չի տուժել։
Հարձակվողին ձերբակալել է քաղաքացիական հագուստով ոստիկանը, որը պատահաբար եղել է դեպքի վայրում։
Ադանայի նահանգապետարանի գրավոր հայտարարության մեջ ասվում է, որ միջադեպից հետո դեպքի վայր է մեկնել ոստիկանական խումբ և ձերբակալել հարձակվողին։ Կասկածյալի ինքնությունը պարզվել է․ նա 35-ամյա տղամարդ է՝ Օ.Գ.-ն։
Միջադեպի առնչությամբ հետաքննություն է սկսվել։
Հավելենք, որ Starbucks-ը Թուրքիայում կառավարամետ և իսլամիստական խմբավորումների հակաիսրայելական ցույցերի կենտրոնում հայտնվել է հոկտեմբերի 7-ին ՀԱՄԱՍ-ի հարձակումից հետո Գազայի հատվածում պատերազմի մեկնարկից ի վեր:
Բողոքի ցույցեր են անցկացվում երկրի մի շարք քաղաքներում, այդ թվում՝ մայրաքաղաք Անկարայում և Ստամբուլում, որոնք երբեմն հանգեցնում են սրճարանների դեմ ակցիաների։
Էմմա Չոբանյան
