15.01.2026 | 18:16
Վիզը ֆիքսատորի մեջ է, վիրահատվելու անհրաժեշտություն կունենա. Սինանյանը Էուլչեքջյանի հետ է հանդիպել․ ՏԵՍԱՆՅՈՒԹ
Հայաստանում առաջին անգամ կանցկացվի աշխատանքի միջազգային համաժողով
Հասարակություն
14.12.2023 | 10:15
Հայաստանում առաջին անգամ կանցկացվի աշխատանքի միջազգային համաժողով՝ «Սոցիալական արդարության խթանումը. աշխատանքի ապագան ներկայիս ժամանակաշրջանում» խորագրով․ միջոցառումը կիրականացվի Աշխատանքի և սոցիալական հարցերի նախարարության նախաձեռնությամբ և Աշխատանքի միջազգային կազմակերպության (ԱՄԿ) նախագահությամբ. տեղեկացնում են ՀՀ աշխատանքի և սոցիալական հարցերի նախարարությունից։
Միջոցառմանը մասնակցելու նպատակով՝ առաջին անգամ Հայաստան կայցելի ԱՄԿ գլխավոր տնօրեն Գիլբերտ Հունգբոն։
Համաժողովին կմասնացեն մի շարք երկրների բարձրաստիճան պաշտոնյաներ, քաղաքականություն մշակողներ, փորձագետներ ու սոցիալական գործընկերներ, որոնք հնարավորություն կունենան քննարկել համաշխարհային, տարածաշրջանային և ազգային աշխատաշուկաների մարտահրավերներն ու հնարավորությունները։
Միջոցառման հիմնական չորս թեմաների շրջանակում բանախոսները ելույթներ կունենան զարգացող աշխատաշուկայի մարտահրավերների, կանանց տնտեսական հզորացման, գլոբալ վերափոխումների ժամանակաշրջանում սոցիալական արդարության և մի շարք այլ թեմաների վերաբերյալ․ համաշխարհային տեխնոլոգիական փոխակերպումների համատեքստում կներկայացվի նաև աշխատանքի ապագայի տեսլականը։ Համաժողովը տեղի կունենա դեկտեմբերի 18-ին՝ ժամը 10։45-ին ՀՀ նախագահի նստավայրում (հասցե՝ Մարշալ Բաղրամյան 26/1)։
Միջոցառման լուսաբանման նպատակով անհրաժեշտ է մինչև դեկտեմբերի 15-ը՝ ժամը 13։00-ն գրանցվել՝ զանգահարելով ԱՍՀ նախարարության տեղեկատվության և հասարակայնության հետ կապերի բաժին՝ 098 151 154 հեռախոսահամարով։
Սիրով հրավիրում ենք լուսաբանման։
