23.11.2024 | 20:00
Չի ներկայացվել գույքի և ունեցվածքի 509 հայտարարագիր՝ 4 տարում․ ի՞նչ է սպասվում օրինախախտներին. ՔՆՆԱՐԿՈՒՄ
ԿԽՄԿ ներկայացուցիչները գնահատել են ազատ արձակված հայ գերիների վիճակը
Քաղաքականություն
13.12.2023 | 17:31
ԿԽՄԿ Բաքվի գրասենյակի հասարակայնության հետ կապերի բաժնի ղեկավար Իլահա Հուսեյնովան տեղական լրատվամիջոցներին ասել է, որ կոմիտեի ներկայացուցիչները, իրենց մանդատի համաձայն, այցելել են այսօր ազատ արձակված գերիներին և գնահատել նրանց պահման ու բուժման պայմանները։
Կարմիր Խաչը նաև պայմանավորվածություններ է ձեռք բերել նրանց ընտանիքների հետ կապ հաստատելու մասին։ Անձնական զրույցների ընթացքում բոլորը հայրենիք վերադառնալու ցանկություն են հայտնել։
Նշվում է, որ այսօր գերիների փոխանակումից առաջ ԿԽՄԿ-ն իրականացրել է նրանց վիճակի մանրակրկիտ գնահատում՝ ապահովելով նրանց առողջության և ընդհանուր վիճակի անկախ ստուգում: Պարզվել է, որ բոլորի առողջական վիճակը լավ է։
Հիշեցնենք՝ այսօր հայ-ադրբեջանական սահմանին տեղի է ունեցել հայ գերիների ու ադրբեջանցի զինծառայողների փոխանակումը։
Դեկտեմբերի 7-ին Հայաստանի Հանրապետության վարչապետի աշխատակազմը և Ադրբեջանի Հանրապետության նախագահի վարչակազմը համատեղ հայտարարություն էին տարածել, որի համաձայն՝ Բաքուն ազատ է արձակում 32 հայ ռազմագերիների, իսկ ՀՀ-ն՝ 2 ադրբեջանցի զինծառայողի։
Էմմա Չոբանյան
