26.06.2026 | 14:57
Արհեստական բանականության ոլորտում Հայաստան-ԱՄՆ համագործակցությունը նոր փուլ է մտնում
21-ամյա երիտասարդի մոտ մարտական թմբուկավոր ատրճանակ է հայտնաբերվել
Հասարակություն
13.12.2023 | 14:29
Դեկտեմբերի 9-ին ոստիկանության Վաղարշապատի բաժնում օպերատիվ տեղեկություններ էին ստացվել, որ մի երիտասարդի մոտ ատրճանակ կա։ Վաղարշապատի բաժնի քրեական հետախույզները, իրացնելով տեղեկություններն ու ձեռնարկելով օպերատիվ-հետախուզական միջոցառումներ, պարզել են երիտասարդի ինքնությունը․ տեղեկացնում են ՆԳՆ ոստիկանությունից։
Հետագա միջոցառումներով Սևան քաղաքում հաշվառված 21-ամյա երիտասարդը Երևան քաղաքի Գրիբոյեդովի փողոցում հայտնաբերվել, ապօրինի զենք-զինամթերք պահելու և կրելու կասկածանքով ձերբակալվել և տեղափոխվել է ոստիկանության Վաղարշապատի բաժին: Անձնական խուզարկությամբ նրա մոտ հայտնաբերվել է 9 մմ տրամաչափի, առանց համապատասխան փաստաթղթի մարտական թմբուկավոր ատրճանակ:
Կազմված փաստաթղթերն ուղարկվել են նախաքննական մարմին:
