15.01.2026 | 12:47
Անի Ամիրաղյանը դուրս է եկել 1/8 եզրափակիչ
Թուրք պատգամավորը խորհրդարանում սրտի կաթված է ստացել՝ իշխող ԱԶԿ-ին քննադատող ելույթից հետո. ՏԵՍԱՆՅՈՒԹ
Քաղաքականություն
13.12.2023 | 16:36
Թուրքիայի խորհրդարանում ընդդիմադիր «Ուրախություն» (Saadet) կուսակցության պատգամավոր Հասան Բիթմեզն ուշագնաց է եղել և ընկել բյուջեի քննարկման ժամանակ ելույթն ավարտելուց հետո, ինչից հետո իշխող «Արդարություն և զարգացում» կուսակցության (AKP) օրենսդիրները բղավել են՝ «Սա Աստծո բարկությունն է», գրում է Duvar-ը։
Բիթմեզը ելույթ է ունեցել SP խմբի անունից՝ քննադատելով ԱԶԿ-ի արտաքին քաղաքականությունը։ ԱԶԿ-ի պատգամավորները ծաղրել են նրան ամբողջ ելույթի ընթացքում, իսկ Օզլեմ Զենգինի միջամտություններն արձանագրվել են խորհրդարանի արձանագրություններում:
Պատգամավոր Բիթմեզը քննադատել է ԱԶԿ-ին՝ նրան մեղադրելով Իսրայելի հետ համագործակցելու մեջ, և ելույթն ավարտել է այսպես․ «Եթե ազատվեք խղճի տանջանքից, ապա չեք կարողանա ազատվել պատմության տանջանքներից։ Եթե ազատվեք պատմության տանջանքներից, չեք կարողանա ազատվել Աստծո բարկությունից»։
Այս խոսքերն ասելուց հետո Բիթմեզն ուշագնաց է եղել ու ընկել։
«Սա Աստծո բարկությունն է»,- լսվել է Թուրքիայի նախագահ Ռեջեփ Թայիփ Էրդողանի կուսակցության պատգամավորների կողմից։
Առողջապահության նախարար Ֆահրեթին Քոջան հայտարարել է, որ Բիթմեզը միացված է սիրտ-թոքային սարքին, և որ նրա առողջական վիճակը ծայրահեղ ծանր է։
➖ #SonDakika TBMM'deki Bütçe görüşmeleri sırasında Saadet Partisi Kocaeli Milletvekili Hasan Bitmez, kürsü konuşmasını bitirdiği sırada baygınlık geçirdi.@HasanBitmez pic.twitter.com/xVgyGsJIx7
— 23 DERECE (@yirmiucderece) December 12, 2023
Էմմա Չոբանյան
