20.09.2026 | 09:30
Համաշխարհային օլիմպիադա. Շախմատի Հայաստանի հավաքականների մրցակիցները 5-րդ տուրում
Իրանի և Թուրքիայի ԱԳ նախարարները հեռախոսազրույց են ունեցել
Քաղաքականություն
12.12.2023 | 16:38
Իրանի արտգործնախարար Հոսեյն Ամիր Աբդոլահիանը և նրա թուրք գործընկեր Հաքան Ֆիդանը հեռախոսազրույց են ունեցել՝ քննարկելու երկկողմ և տարածաշրջանային հարցեր։ Մասնավորապես, խոսքը Գազայի հատվածում և Հորդանան գետի արևմտյան ափին պաղեստինցիների դեմ «Իսրայելի ռեժիմի հանցագործությունների շարունակականության մասին» է, գրում է իրանական ՄԵՀՐ գործակալությունը։
Իրանի ԱԳ նախարարը նշել է, որ «Իսրայելի ռեժիմին Միացյալ Նահանգների ամբողջական աջակցությունն է հիմնական պատճառը, որը քաջալերում է ռեժիմին շարունակել իր ռազմական հանցագործությունները, և կոչ է արել վերջ տալ վայրագություններին ու ցեղասպանությանը»։
Նա կարևորել է Թեհրանի և Անկարայի միջև փոխադարձ կապերի զարգացումը, ինչպես նաև երկու երկրների նախագահների առաջիկա հանդիպումը։
Ֆիդանն իր հերթին մատնանշել է մոտ ապագայում երկու երկրների բարձրաստիճան պաշտոնյաների ութերորդ գագաթնաժողովը՝ գնահատելով Իրանի դիվանագիտական ջանքերը՝ օգնելու Գազայում զինադադար հաստատելուն, և նշել, որ Պաղեստինի հարցն առանցքային կետն է այսօր իսլամական աշխարհում։
Էմմա Չոբանյան
