22.11.2024 | 10:34
Ռուսական բանակը հարվածել է Սումիին. 2 մարդ զոհվել է, 12-ը՝ վիրավորվել
ՌԴ-ի կողմից կառուցվող թուրքական «Աքքույու» ԱԷԿ-ի առաջին էներգաբլոկը շահագործման թույլտվություն է ստացել
Քաղաքականություն
12.12.2023 | 18:15
Թուրքիայի «Աքքույու» ատոմակայանի առաջին էներգաբլոկը շահագործման հանձնելու թույլտվություն է ստացել։ Այս մասին հայտնում է «Ռոսատոմ» պետական կորպորացիան, որը կառուցում է ատոմակայանը, գրում է ՌԻԱ Նովոստին։
«Թուրքիայի միջուկային կարգավորման գործակալության որոշումը հաստատում է, որ մենք կատարել ենք ատոմակայանների կառուցման թուրքական օրենսդրության և միջազգային չափանիշների բոլոր պահանջները»,- ասել է Akkuyu Nükleer ընկերության գլխավոր տնօրեն Անաստասիա Զոտեևան։
ԱԷԿ-ի գործարկման հաջորդ փուլը լինելու է առաջին էներգաբլոկի շահագործման լիցենզիա ստանալը, որը թույլ կտա սկսել միջուկային վառելիքի բեռնումը ռեակտոր և նախնական հսկողության աշխատանքները: Akkuyu Nuclear ընկերությունը ներկայում մշակում է տեխնիկական փաստաթղթերը՝ լիցենզիայի հայտ ներկայացնելու համար։
«Աքքույու»-ն Թուրքիայի առաջին ատոմակայանն է․ այն կառուցվում է Մերսին նահանգում «Ռոսատոմ» ընկերության կողմից։
Ատոմակայանի վերաբերյալ միջկառավարական համաձայնագիրը Թուրքիայի և ՌԴ-ի միջև կնքվել է 2010 թվականի մայիսին։
Էմմա Չոբանյան
