03.06.2026 | 16:54
Դևիդ Բեքհեմն աստղ կունենա Հոլիվուդի «Փառքի ծառուղիում»
COP28-ը երկարաձգվել է՝ արդյունքների վերաբերյալ փաստաթղթի շուրջ վեճերի պատճառով
Քաղաքականություն
12.12.2023 | 15:39
ՄԱԿ-ի Կլիմայի փոփոխության հարցերով կոնֆերանսը (COP28) կերկարաձգվի այն պատճառով, որ դրա մասնակիցները չեն կարողանա համաձայնության գալ վերջնական հայտարարության շուրջ դեկտեմբերի 12-ին՝ այն օրը, երբ նախատեսված էր միջոցառման ավարտը, գրում է DW-ի ռուսական ծառայությունը:
Տարակարծության հիմնական կետը համաժողովի մասնակիցների վերաբերմունքն է վերջնական փաստաթղթում հանածո էներգիայի աղբյուրներից, այսինքն՝ ածուխից, նավթից և գազից լիակատար հրաժարվելուն հասնելու պարտավորության ամրագրման նկատմամբ:
Այս որոշման կայացման հարցում պնդում են առաջին հերթին Գերմանիան, Եվրամիությունը և ԱՄՆ-ը։ ՕՊԵԿ-ի անդամ երկրները, ի թիվս այլոց՝ Սաուդյան Արաբիան և Ռուսաստանը, դեմ են։
Համաժողովի սկզբում ՄԱԿ-ի գլխավոր քարտուղար Անտոնիո Գուտերեշը կոչ է արել մասնակիցներին որոշում կայացնել հանածո վառելիքից ամբողջությամբ հրաժարվելու մասին։ Այնուամենայնիվ, ՕՊԵԿ-ի նավթ արդյունահանող մի շարք երկրներ, այդ թվում՝ Սաուդյան Արաբիան և Ռուսաստանը, չեն աջակցել այս նախաձեռնությանը։
COP28-ի 21 էջանոց ամփոփիչ հայտարարության նախագիծը, ըստ լրատվամիջոցների, կոնկրետ որոշում չի նախատեսում ածխից, նավթից և գազից ամբողջական հրաժարման մասին: Փոխարենը, այն պարունակում է անորոշ կոչ՝ սահմանափակելու դրանց օգտագործումը:
