13.12.2024 | 23:31
Գերմանիան հավանություն է տվել 2006թ․ ի վեր զենքի ամենամեծ արտահանմանը Թուրքիա
Զելենսկին կհանդիպի Բայդենի հետ և ելույթ կունենա սենատորների առջև
Քաղաքականություն
12.12.2023 | 12:55
ԱՄՆ նախագահ Ջո Բայդենը և Ուկրաինայի առաջնորդ Վլադիմիր Զելենսկին այսօր կհանդիպեն Սպիտակ տանը։ Վաշինգտոնի վարչակազմն ավելի ու ավելի է ճնշում Կոնգրեսին՝ Կիևին լրացուցիչ օգնություն տրամադրելու համար, գրում է VOA-ն:
Սպիտակ տան Ազգային անվտանգության խորհրդի խոսնակ Ջոն Քիրբին լրագրողներին ասել է, որ Զելենսկիի այցը համընկել է կրիտիկական պահի հետ։
«Հիմա ճիշտ ժամանակն է, որ նախագահ Զելենսկին այցելի քաղաք՝ այս քննարկումները անցկացնելու համար՝ կապված այն ամենի հետ, ինչ տեղի է ունենում Ուկրաինայում, ձմռան մոտենալուն զուգահեռ ռուս զինվորականների ակտիվության աճի, ինչպես նաև Կապիտոլիումում տեղի ունեցող իրադարձությունների պատճառով», – ասել է Քիրբին:
Քիրբիի խոսքով՝ նախագահ Բայդենը Զելենսկիին պարզ կհասկացնի, որ Սպիտակ տունը հաստատակամ է մնում լրացուցիչ միջոցներ հատկացնելու հարցում։ Երեքշաբթի օրը Զելենսկին նաև տեսակապով կդիմի ամերիկացի սենատորներին։
Բայդենի վարչակազմը Կոնգրեսին կոչ է անում հաստատել Սպիտակ տան խնդրանքը՝ Ուկրաինային, Իսրայելին և անվտանգության այլ կարիքներին տրամադրվող մոտ 106 միլիարդ դոլարի օգնությունը:
