12.12.2024 | 19:44
ՌԴ-ին հարյուրավոր միլիոններ ենք փոխանցել, երեք միավոր զենք են տվել․ Գագիկ Մելքոնյան. ՏԵՍԱՆՅՈՒԹ
Վրաստանի խորհրդարանի նախագահը Բաքվում կքննարկի Հայաստանի և Ադրբեջանի միջև Թբիլիսիի միջնորդության հարցը
Քաղաքականություն
11.12.2023 | 14:21
Վրաստանի խորհրդարանի նախագահ Շալվա Պապուաշվիլին Բաքու այցի ընթացքում քննարկելու է Հայաստանի և Ադրբեջանի միջև Թբիլիսիի միջնորդության հարցը։ Այս մասին հայտարարել է Ադրբեջանում Վրաստանի դեսպան Զուրաբ Պատարաձեն վրացական «Առաջին ալիքի» հետ հարցազրույցում։
«Դուք քաջատեղյակ եք մեր երկրի վարչապետի նախաձեռնությանը, խաղաղության նախաձեռնությանը, որը գոյություն ունի, և մենք շատ հաջող շարժվում ենք այս ուղղությամբ։ Վրաստանի միջնորդությունը շատ կարևոր է, և կարծում եմ, որ այս և այլ հարցեր քննարկվելու են Բաքվում։ Վերջերս մենք Թբիլիսիում Վրաստանի, Ադրբեջանի և Հայաստանի վարչապետների հանդիպման ականատեսը եղանք։ Դրան նախորդել է Ադրբեջանի նախագահ Իլհամ Ալիևի այցը։ Օրակարգում շատ կարևոր հարցեր կան, և ես կարծում եմ, որ մենք հնարավորություն կունենանք միասին քննարկել այս և այլ հարցեր»,- ասել է Ադրբեջանում Վրաստանի դեսպանը:
Նա նաև նշել է, որ Վրաստանն ու Ադրբեջանը ռազմավարական գործընկերներ են, ընդգծել երկրների միջև հարաբերությունների զարգացման բարձր դինամիկան և հույս հայտնել, որ այս այցը հատուկ ներդրում կունենա «երկկողմ ընկերության ու ռազմավարական հարաբերությունների հարցում»։
Հավելենք, որ Վրաստանի խորհրդարանի նախագահն այսօր հանդիպելու է Ադրբեջանի նախագահ Իլհամ Ալիևի հետ։ Այցի շրջանակում հանդիպումներ են նախատեսվում Միլլի Մեջլիսի նախագահ Սահիբա Գաֆարովայի և Ադրբեջանի վարչապետ Ալի Ասադովի հետ։
Էմմա Չոբանյան
