03.06.2026 | 23:39
ՌԴ-ն մտադիր է հայկական գյուղմթերքը փոխարինել Ադրբեջանից ներմուծումներով
Գերմանիայի ԱԳ նախարարը դեմ է Ուկրաինայում պատերազմի «սառեցմանը»
Քաղաքականություն
11.12.2023 | 17:31
Ուկրաինայի հակամարտության «սառեցումը» կնշանակի Եվրոպայի համար սպառնալիքի սառեցում։ Նման կարծիք է հայտնել Գերմանիայի արտաքին գործերի նախարար Աննալենա Բերբոքը Frankfurter Allgemeine Zeitung թերթում հրապարակված հոդվածում, փոխանցում է DW-ի ռուսական ծառայությունը։
Նախարարի խոսքով՝ Պուտինի հայտարարություններից պարզ է դառնում, որ նրա համար խոսքը ոչ միայն Ուկրաինայի արևելյան շրջանների, այլ «ամբողջ երկրի և նրա ժողովրդի հպատակեցման» մասին է:
«Հետևաբար, հակամարտության «սառեցումը» կնշանակի ոչ միայն Ուկրաինայի կողմից իր տարածքի օկուպացված հատվածն ու այնտեղ բնակվող մարդկանց լքելը, այլև Ռուսաստանի կողմից չդադարող բռնության տարածումը, անօդաչու սարքերի հարձակումները Կիևի, Օդեսայի կամ Խերսոնի վրա ամբողջ տարածքում։ «Սառեցումը» կնշանակի Ուկրաինային օրեցօր զրկել ինքնիշխանությունից և ինքնությունից, և դա կնշանակի նաև, որ ռուսական սպառնալիքը եվրոպական անվտանգությանը կշարունակվի»,- պնդում է Բերբոքը:
Բացի այդ, կոնֆլիկտի «սառեցման» դեպքում ՌԴ նախագահ Վլադիմիր Պուտինը ռազմավարական հնարավորություն կունենա վերականգնելու Ռուսաստանի Դաշնության ռազմական ուժերը և վաղ թե ուշ սկսել է ավելի կոշտ գործել, գուցե նույնիսկ երկրի տարածքից դուրս, հավելել է գերմանացի բարձրաստիճան դիվանագետը։
