15.01.2026 | 12:47
Անի Ամիրաղյանը դուրս է եկել 1/8 եզրափակիչ
Ֆրանսիան աջակցում է Հայաստանի և Ադրբեջանի միջև խաղաղ համաձայնագրի շուրջ բանակցությունների արագ վերսկսմանը` ԵՄ-ի և ԱՄՆ-ի աջակցությամբ
Քաղաքականություն
08.12.2023 | 20:07
Ֆրանսիան ողջունում է դրական ազդանշանը Հայաստանի և Ադրբեջանի համատեղ հռչակագրի ու երկու կողմից արված բարի կամքի ժեստերի հետ կապված, մասնավորապես՝ կալանավորվածների ազատ արձակումը։ Այս մասին ասվում է Ֆրանսիայի ԱԳՆ հայտարարության մեջ։
«Ֆրանսիան հույս ունի, որ այս հայտարարություններն առաջին քայլն են բանտարկյալների, կալանավորների և անհետ կորածների իրավիճակի կարգավորման ուղղությամբ։ Ֆրանսիան աջակցում է Հայաստանի և Ադրբեջանի միջև խաղաղ համաձայնագրի շուրջ բանակցությունների արագ վերսկսմանը՝ Եվրամիության և ԱՄՆ-ի աջակցությամբ»,- ասվում է հայտարարությունում։
Նշվում է, որ Ֆրանսիայի Եվրոպայի և արտաքին գործերի նախարարը բազմիցս նշել է՝ կայուն խաղաղության կարելի է հասնել միայն հարգելով միջազգային իրավունքը, ինքնիշխանությունը, տարածքային ամբողջականությունը և երկու պետությունների սահմանների անձեռնմխելիությունը։
Նշվում է նաև, որ Ֆրանսիան լրացուցիչ 15 միլիոն եվրոյի մարդասիրական հրատապ օգնություն կհատկացնի Հայաստանին և Լեռնային Ղարաբաղից բռնի տեղահանվածներին։ Այսպիսով՝ 2023 թվականի համար Հայաստանին տրամադրվող աջակցությունը կկազմի 27,5 միլիոն եվրո:
Էմմա Չոբանյան
