Քաղաքականություն
08.12.2023 | 18:35
Վերին Լարսում ռուսական կողմից Վրաստան մուտք գործելու համար սպասում է շուրջ 2700 բեռնատար։ Այս մասին հայտնել է Հյուսիսային Օսիայի հետ տրանսպորտային երթևեկության կազմակերպման կենտրոնը, գրում է Նովոստի Գրուզիան։
Երթևեկությունն ամբողջությամբ փակվել է երեկ երեկոյան՝ Վրաստանի տարածքում սողանքների սպառնալիքի պատճառով։ Ռուսական կողմը փակել է Վլադիկավկազից մինչև Լարս երթևեկությունը։
Դեկտեմբերի 7-ի ցերեկը Վրաստանի ճանապարհային դեպարտամենտը թույլատրել է Մցխեթա-Ստեփանծմինդա-Լարս միջազգային ավտոճանապարհի Գուդաուրի-Կոբի հատվածով երթևեկել միայն մարդատար ավտոմեքենաներով։ Տեղամասում երթևեկությունն իրականացվում է անխափան՝ ձնահոսքերից պաշտպանված թունելներով։
Ճանապարհների վարչությունից սպասվում է տեղեկատվության թարմացում։
