15.09.2026 | 18:30
«Դաշնակցական բոլշևիզմ»-ից մինչև «ՀՀՇ-ի ծիլեր». գաղափարախոսական պարադոքս՝ ԱԺ-ում. ՏԵՍԱՆՅՈՒԹ
Գազայի բնակչությանը պաշտպանելու՝ Իսրայելի մտադրությունը տեղում չի իրականացվում․ Բլինքեն
Քաղաքականություն
08.12.2023 | 19:05
ԱՄՆ պետքարտուղար Էնթոնի Բլինքենը քննադատել է Իսրայելի գործողությունները Գազայի հարավում՝ ասելով, որ տարբերություն կա խաղաղ բնակիչներին պաշտպանելու՝ Իսրայելի հայտարարած մտադրության և տեղի ունեցողի միջև, գրում է BBC-ի ռուսական ծառայությունը:
Մեծ Բրիտանիայի արտաքին գործերի նախարար Դեյվիդ Քեմերոնի հետ հանդիպումից հետո Վաշինգտոնում կայացած մամուլի ասուլիսում Բլինքենն առաջարկել է միջոցներ ձեռնարկել՝ երաշխավորելու տարհանված խաղաղ բնակիչների անվտանգությունը, ինչպես նաև ապահովել մատակարարումներն այն տարածքներ, որտեղ պատսպարվում են Գազայի բնակիչները:
Բլինքենն ասել է, որ մարտերում «ամենօրյա դադարների» անհրաժեշտություն կա, ինչպես նաև անհրաժեշտ է թույլ տալ Գազայի բնակիչներին իմանալ, թե ուր և երբ կարող են գնալ՝ չվախենալով իրենց անվտանգության համար: Նրա խոսքով՝ անվտանգ տարածքները պետք է գտնվեն հակամարտության գոտուց դուրս և ապահովվեն սննդով, դեղորայքով ու ջրով։
«Քանի որ հարավում այս արշավի մեկնարկից գրեթե մեկ շաբաթ է անցել, խիստ կարևոր է, որ Իսրայելը հատուկ ուշադրություն դարձնի խաղաղ բնակչության պաշտպանությանը: Եվ իսկապես ճեղքվածք է մնում խաղաղ բնակիչներին պաշտպանելու մտադրության և իրական արդյունքների միջև, որոնք մենք տեսնում ենք տեղում»,- ասել է Բլինքենը:
