18.06.2026 | 02:01
ԱԱ-2026. Անգլիան գոլառատ խաղում հաղթեց Խորվաթիային․ ՏԵՍԱՆՅՈՒԹ
ՌԴ-ում նախագահական ընտրություններն առաջին անգամ կանցկացվեն մի քանի օր՝ մարտի 15-17-ը
Քաղաքականություն
08.12.2023 | 17:27
ՌԴ Կենտրոնական ընտրական հանձնաժողովը հայտարարել է, որ նախագահական ընտրությունները կանցկացվեն երեք օրվա ընթացքում՝ մարտի 15-ին, 16-ին և 17-ին։ Սա առաջին դեպքն է, երբ նախագահական ընտրությունները տևելու են մի քանի օր, հաղորդում է currenttime.tv-ն։
Նշվում է, որ քվեարկություն է կազմակերպվելու նաև ուկրաինական որոշ տարածքներում, Բրյանսկի, Կուրսկի ու Բելգորոդի շրջաններում, ինչպես նաև Ղրիմում ու Սևաստոպոլում։
ԿԸՀ-ն տեղեկացրել է, որ ինքնառաջադրված թեկնածուները պետք է փաստաթղթերը ներկայացնեն մինչև դեկտեմբերի 27-ը, կուսակցությունների թեկնածուները՝ մինչև հունվարի 1-ը։
Նախօրեին Դաշնային խորհուրդը ՌԴ-ում նախագահական ընտրությունները նշանակել է մարտի 17-ն։ Դրանից հետո ընդդիմադիր գործիչ Ալեքսեյ Նավալնիի Կոռուպցիայի դեմ պայքարի հիմնադրամը (ФБК) հայտարարել էր «Ռուսաստանն առանց Պուտինի» արշավի մեկնարկի մասին։
2000 թվականից Վլադիմիր Պուտինը գտնվում է իշխանության ղեկին։ 2018-ին նա նախագահ էր ընտրվել 4-րդ անգամ։
2020 թվականի ամռանը Ռուսաստանում ընդունվեցին Սահմանադրության փոփոխություններ, որոնք թույլ են տալիս Պուտինին կրկին առաջադրվել պետության ղեկավարի պաշտոնում և մնալ իշխանության ղեկին մինչև 2036 թվականը:
Էմմա Չոբանյան
