29.05.2026 | 23:37
Երևանում կկայանա «Rise» ռազմարդյունաբերական ցուցահանդեսը. կներկայացվեն նախկինում երբևէ չցուցադրված նմուշներ
Իրաքում ԱՄՆ դեսպանատունը հարձակման ենթարկվելուց հետո երկրի իշխանություններին կոչ է արել ապահովել դիվանագետների անվտանգությունը
Քաղաքականություն
08.12.2023 | 20:24
Իրաքի իշխանությունները պետք է ապահովեն ԱՄՆ դիվանագիտական անձնակազմի և արևմտյան կոալիցիայի ռազմական օբյեկտների պաշտպանությունը ահաբեկիչների դեմ պայքարում։ Այս մասին Agence France-Presse-ին հայտարարել է Բաղդադում ամերիկյան դեսպանատան անանուն ներկայացուցիչը։
«Մենք կրկին կոչ ենք անում Իրաքի կառավարությանը, ինչպես արել ենք բազմաթիվ առիթներով, անել հնարավոր ամեն ինչ՝ պաշտպանելու կոալիցիոն գործընկերների դիվանագիտական անձնակազմին և օբյեկտները»,- ասված է հայտարարության մեջ։
Ավելի վաղ Shafaq News-ը հայտնել էր, որ ԱՄՆ դեսպանատունը, որը գտնվում է Բաղդադի կենտրոնում, այսպես կոչված, Կանաչ գոտում, ուրբաթ վաղ առավոտյան հրթիռակոծության է ենթարկվել։ Ըստ այդ տեղեկությունների՝ ԱՄՆ դեսպանատան տարածքի վրա մի քանի հրթիռ է արձակվել, լսվել են նաև պայթյունների ձայներ։ Դիվանագիտական ներկայացուցչության շենքում ահազանգի ազդանշաններ են հնչել։
AFP-ն իր հերթին հայտնում է, որ զինյալների կողմից արձակված երեք հրթիռ է ընկել դեսպանատան տարածքում։ Հարձակման հետևանքով ոչ ոք չի տուժել։
