15.01.2026 | 15:05
Վաղ թե ուշ, Հայաստանի հավաքականը պետք է «կրակի»․ Խորեն Բայրամյանը ցավոտ է ընդունում հավաքականի գրանցած արդյունքները
Դիտարկվել են քաղաքաշինության բնագավառում GIS աշխարհագրական տեղեկատվական համակարգի կիրառման հնարավորությունները
08.12.2023 | 13:48
Քաղաքաշինության կոմիտեում հյուրընկալել են «Գեովայբ» կազմակերպության ներկայացուցիչներ Բագրատ Բալաբանյանին և Էրիկ Գյուլազյանին: Քննարկվել են քաղաքաշինության բնագավառում Աշխարհագրական տեղեկատվական համակարգի (GIS) կիրառման հնարավորություններն ու միջազգային փորձը․ տեղեկացնում են ՀՀ քաղաքաշինության կոմիտեից։
Ներկայացվել են համակարգի՝ տվյալների հավաքագրման, վերլուծությունների իրականացման և գործընթացների թվայնացման հնարավորությունները: Դիտարկվել են GIS-ի կիրառման տարբեր օրինակներ համաշխարհային փորձից:
Անդրադարձ է կատարվել ընկերության կողմից հանրապետությունում իրականացված այլ ծրագրերին ևս:
Կոմիտեի նախագահ Արմեն Ղուլարյանը կարևորել է GIS-ի կիրառման ընդլայնումը Հայաստանի քաղաքաշինության ոլորտում և ընդգծել այդ ուղղությամբ համագործակցելու կոմիտեի պատրաստակամությունը: Նախանշելով գործակցության հնարավոր ուղիները՝ որոշվել է կոմիտեի գործառույթների շրջանակում փորձարկել համակարգի կիրառությունը պիլոտային ծրագրով:
