18.12.2025 | 19:06
Արմեն Գրիգորյանը և ՄԹ արտաքին հետախուզության ծառայության տնօրենը հանդիպում են ունեցել
Թուրքիայի ԱԳՆ-ն ողջունում է Հայաստանի և Ադրբեջանի միջև «վստահության ամրապնդման քայլեր ձեռնարկելու որոշումը»
Քաղաքականություն
08.12.2023 | 10:58
Անկարան արձագանքել է Հայաստանի վարչապետի աշխատակազմի և Ադրբեջանի նախագահի աշխատակազմի համատեղ հայտարարությանը։
«Ողջունում ենք երկու երկրների միջև վստահության ամրապնդման որոշակի քայլեր ձեռնարկելու որոշումը, որը հայտարարվել է Ադրբեջանի նախագահի աշխատակազմի և Հայաստանի վարչապետի գրասենյակի համատեղ հայտարարության մեջ։ Մենք աջակցում ենք վստահության ամրապնդման լրացուցիչ քայլերի ընդունման շուրջ քննարկումները շարունակելու որոշումը»,-ասվում է Թուրքիայի ԱԳՆ հայտարարության մեջ։
Անկարան նաև հայտարարել է, որ աջակցում է Հայաստանի ու Ադրբեջանի միջև խաղաղության պայմանագրի ստորագրմանը։
«Մենք ցանկանում ենք, որ որքան հնարավոր է շուտ ստորագրվի Ադրբեջանի և Հայաստանի միջև խաղաղության պայմանագիրը, որը կդառնա Հարավային Կովկասում մշտական խաղաղության և կայունության հաստատման կարևորագույն զարգացումներից մեկը»,-ասվում է հայտարարության մեջ։
Հիշեցնենք, որ Հայաստանի Հանրապետության վարչապետի աշխատակազմի և Ադրբեջանի Հանրապետության նախագահի վարչակազմի նախօրեին տարածած համատեղ հայտարարության մեջ ասվում էր, որ Ադրբեջանն ազատ է արձակում 32 հայ ռազմագգերիների, իսկ ՀՀ-ն՝ 2 ադրբեջանցի զինծառայողի:
