03.04.2026 | 14:26
Ռուբեն Ռուբինյանն ընդունել է ՀՀ-ում Իրանի դեսպանին
Դեկտեմբերի 11-ին տեղի կունենա ԵՄ «Արևելյան գործընկերության» ԱԳ նախարարների համաժողովը
Քաղաքականություն
07.12.2023 | 16:25
Դեկտեմբերի 11-ին Բրյուսելում տեղի կունենա Արևելյան գործընկերության (ԱլԳ) երկրների ԱԳ նախարարների հանդիպումը:
Հաղորդվում է, որ միջոցառմանը կմասնակցեն ԵՄ անդամ պետությունների արտաքին գործերի նախարարները և նրանց գործընկերները Արևելյան գործընկերության վեց երկրներից հինգից՝ Հայաստան, Վրաստան, Ադրբեջան, Մոլդովա և Ուկրաինա:
Հանդիպումը կանցկացվի ԵՄ արտաքին գործերի և անվտանգության հարցերով բարձր ներկայացուցիչ Ջոզեպ Բորելի նախագահությամբ։ Միջոցառմանը կմասնակցի նաև ԵՄ հանձնակատար Օլիվեր Վարհեիին։
«Նախարարները կարծիքներ կփոխանակեն Արևելյան գործընկերության վերաբերյալ, կգնահատեն դրա ձեռքբերումները և կոնկրետ առաջարկություններով հանդես կգան ապագա քաղաքականության հետ կապված։ Հանդիպմանը նախարարները կանդրադառնան, թե ինչպես կարող է Արևելյան գործընկերությունը շարունակել ապահովել անդամ երկրների և գործընկեր երկրների կարիքների բավարարումը, որոնք պետք է լինեն 2024 թվականին համատեղ աշխատանքի հիմնական առաջնահերթությունները»,- ասված է ԵՄ խորհրդի կայքում հրապարակված հաղորդագրությունում։
Նախարարներին ուղերձներով կդիմեն նաև «Արևելյան գործընկերության» Քաղաքացիական հասարակության ֆորումի ներկայացուցիչները:
Հիշեցնենք, որ Բելառուսը վերջին տարիներին չի մասնակցում հանդիպումներին։
