07.10.2026 | 21:25
Հայաստանում երկաթգծերը վերականգնելու նախագծման մրցույթին ղազախական ու ուզբեկական ընկերություններ են մասնակցել, բայց չեն հաղթել
Իրանի նախագահը ժամանել է Մոսկվա՝ Պուտինի հետ բանակցությունների համար
Քաղաքականություն
07.12.2023 | 17:00
Իրանի նախագահ Էբրահիմ Ռաիսին ժամանել է Մոսկվա, որտեղ այսօր կհանդիպի ՌԴ նախագահ Վլադիմիր Պուտինի հետ։ Այս մասին հայտնել է ՌԴ-ում Իսլամական հանրապետության դեսպան Քազեմ Ջալալին, փոխանցում է Կոմերսանտը։
«Բանակցությունները տեղի կունենան ինչպես պատվիրակությունների ներկայությամբ, այնպես էլ առանձին՝ աշխատանքային ճաշի ձևաչափով»,- գրել է իրանցի դիվանագետը X սոցիալական ցանցում։
Ըստ Tasnim-ի՝ Վլադիմիր Պուտինի հետ բանակցությունների ընթացքում Էբրահիմ Ռաիսին մտադիր է քննարկել իրավիճակը Մերձավոր Արևելքում։ Նա, մասնավորապես, նախատեսում է բարձրացնել Գազայի հատվածի ռմբակոծության և պաղեստինցիների իրավունքների ոտնահարման թեման։
Կրեմլի կայքում հրապարակված հաղորդագրության համաձայն՝ երկու երկրների ղեկավարները նաև «կարծիքներ կփոխանակեն միջազգային և տարածաշրջանային հիմնական թեմաների շուրջ»։ Ռուսաստանի և Իրանի նախագահների բանակցությունների թեմաներն են՝ տրանսպորտի, էներգետիկայի և առևտրատնտեսական ոլորտում երկու երկրների համատեղ նախագծերը։
