18.03.2026 | 15:51
ՄԱԿ-ի ծովային կազմակերպությունը հատուկ նիստ է անցկացնում Լոնդոնում
Հայաստանը հրեաների համար տարածաշրջանում ամենաանվտանգ երկիրն է․ Իսրայելի ԱԽ
Քաղաքականություն
07.12.2023 | 15:25
Իսրայելի Ազգային անվտանգության խորհուրդը ՀԱՄԱՍ-ի հետ պատերազմ ֆոնին իրավիճակի ընթացիկ գնահատում է իրականացնում անվտանգային այլ կազմակերպությունների հետ՝ ներկայացնելով աշխարհի տարբեր երկրներում ճամփորդելիս հրեաների համար սպառնալիքի և վտանգավորության աստիճանը։ Արդյունքում տասնյակ երկրներում փոխվել է սպառնալիքի մակարդակը։
Արևմտյան Եվրոպայի շատ երկրների (ներառյալ՝ Մեծ Բրիտանիան, Ֆրանսիան և Գերմանիան), Հարավային Ամերիկայի (ներառյալ՝ Բրազիլիան և Արգենտինան), ինչպես նաև Ավստրալիայի և Ռուսաստանի պարագայում սպառնալիքի մակարդակը բարձրացվել է մինչև 2-րդ մակարդակ՝ ավելի մեծ նախազգուշական միջոցներ կիրառելու առաջարկությամբ: Աֆրիկայի (ներառյալ՝ Հարավային Աֆրիկայի և Էրիթրեայի) և Կենտրոնական Ասիայի (ներառյալ՝ Ուզբեկստանը, Ղազախստանը, Ղրղզստանը և Թուրքմենստանը) պարագայում սպառնալիքի մակարդակը բարձրացվել է մինչև 3 մակարդակ՝ առաջարկելով վերանայել այդ երկրներ ճանապարհորդությունների մտադրությունը:
Ըստ Իսրայելի ԱԽ-ի ներկայացրած քարտեզի՝ Հայաստանը տարածաշրջանում ամենաանվտանգ երկիրն է հրեաների համար, որտեղ ճանապարհորդելու համար սպառնալիք չկա։ Իսկ ահա հարևան Վրաստանն ու Ադրբեջանը պոտենցիալ վտանգավոր, Թուրքիան ու Իրանը՝ բարձր վտանգավորության երկրների թվում են։
Էմմա Չոբանյան
