23.01.2026 | 13:10
«Հանրապետություն» կուսակցությունում դեռ չեն որոշել՝ ընտրություններին դաշինքո՞վ կմասնակցեն, թե՞ միայնակ
Մտնում են մարդկանց անկողին. հանրությունն էլ բերանը բաց լսում է՝ ով ում քրֆեց ու ոնց. Փաշինյան
Քաղաքականություն
07.07.2017 | 15:14
Այսօր Հայաստանում հեռարձակվող բոլոր հեռուստաընկերությունները և ռադիո ընկերությունները որոշակի վերահսկողության գործիք են իշխանության ձեռքին: Այս մասին այսօր Ազգային ժողովում Հեռուստատեսության և ռադիոյի ազգային հանձնաժողովի 2016թ. գործունեության քննարկման ժամանակ ասաց ԱԺ «Ելք» խմբակցության ղեկավար Նիկոլ Փաշինյանը:
«Հայաստանում հեռարձակվող բոլոր հեռուստաընկերությունները և ռադիո ընկերությունները որոշակի վերահսկողության գործիք են իշխանության ձեռքին Հանրությանը վերահսկելու նպատակով, որն ունի քաղաքական նպատակներ: Ընտրություններից ընտրություն ընկած ժամանակահատվածում կառավարելու, որոշակի ազդեցություն թողնելու համար է հասարակության գիտակցության վրա»,-ասաց նա:
«Բացի այդ, հեռուստահաղորդումներ կան, որտեղ մտնում են մարդկանց անկողին, զոքանչի, հարսի, փեսայի հարաբերություններ են պարզում, հանրությունն էլ բերանը բաց լսում է՝ ով ում քրֆեց, ոնց ու քանի անգամ: Սա մարդկանց փոքրացնում է, սա ընդհանրապես մարդկային հարաբերությունների որակ է ապահովում»,-նշեց պատգամավորը՝ անդրադառնալով հեռուստահաղորդումների որակին. :
