15.12.2025 | 11:02
Պապիկյանն Աժ-ում է․ արտահերթ նիստ Պաշտպանության և անվտանգության հարցերի մշտական հանձնաժողովում․ ՈՒՂԻՂ
Մեկ ամիս կարող է անցնել՝ մինչև Իսրայելի և ՀԱՄԱՍ-ի միջև պատանդներին ազատելու նոր գործարքը
Քաղաքականություն
06.12.2023 | 18:31
Իսրայելական լրատվամիջոցները, հղում անելով անվտանգության ծառայությունների անանուն աղբյուրներին, հայտնում են, որ մինչև մեկ ամիս կարող է տևել՝ մինչ ՀԱՄԱՍ-ի վրա ռազմական ճնշումը բավականաչափ ուժեղ լինի, որպեսզի հրադադարի և Գազայի հատվածում պատանդների ազատ արձակման նոր պատուհան բացվի։ Այս մասին գրում է BBC-ի ռուսական ծառայությունը:
Ըստ Իսրայելի պաշտպանության ուժերի ռադիոյի՝ դրա համար անհրաժեշտ է շարունակել ռազմական գործողությունները անկլավի հյուսիսում և հարավում:
Անցյալ ուրբաթ ավարտված մեկշաբաթյա զինադադարի ընթացքում ՀԱՄԱՍ-ն ազատ է արձակել 105 պատանդի, այդ թվում՝ 81 իսրայելցի, 23 թայլանդցի և մեկ ֆիլիպինցի։ Ավելի վաղ չորս պատանդ էր ազատ արձակվել, մեկին փրկել էին, իսկ առնվազն երեք մարդու դի է հայտնաբերվել։
Իսրայելը կարծում է, որ ևս 138 պատանդ մնում է զինյալների ձեռքում, այդ թվում՝ մոտ 20 կին և երկու մանկահասակ երեխա։
