23.01.2026 | 13:10
«Հանրապետություն» կուսակցությունում դեռ չեն որոշել՝ ընտրություններին դաշինքո՞վ կմասնակցեն, թե՞ միայնակ
Աննպատակ քննադատությունն ընդդիմությանն օգուտ չի բերում. Շարմազանով
Քաղաքականություն
07.07.2017 | 15:29
Ո՛չ Հայաստանի Հանրապետությունը, ո՛չ Արցախը պատերազմ չեն ցանկանում, սակայն հարկ եղած դեպքում պատրաստ են համարժեք պատասխան տալ հակառակորդի գործողություններին: Այս մասին այսօր խորհրդարանում լրագրողների հետ զրույցում ասաց Ազգային ժողովի փոխնախագահ, ՀՀԿ մամուլի խոսնակ Էդուարդ Շարմազանովը:
«Ադրբեջանը ցանկանում է մանկահասակ երեխայի մահը շահարկել, բայց միջազգային հանրությունը շատ լավ հասկանում է, որ դա եղել է պատասխան գործողություն: Ավելի անթույլատրելի է, երբ ռազմական ուժերը տեղակայում են խաղաղ բնակչության թիկունքում»,- շարունակեց ԱԺ փոխնախագահը:
Factor.am-ի դիտարկմանը, որ ընդդիմադիրների պնդումներով հայկական կողմը բավարար ապացույցներ չի ներկայացնում միջազգային հարթակներում, ՀՀԿ-ական պաշտոնյան չհամաձայնեց:
«Ես գիտեմ, որ ընդդիմության գործը քննադատելն է, բայց աննպատակ քննադատությունն ընդդիմությանն օգուտ չի բերում»,- շեշտեց խորհրդարանի փոխխոսնակը:
Շարմազանովը նաև հայտարարեց՝ քանի դեռ Արցախը միջազգայնորեն ճանաչված չէ, Հայաստանն ամեն ինչ անելու է միջազգային հարթակներում Արցախի շահերը պատշաճ կերպով ներկայացնելու համար:
Մանրամասները՝ տեսանյութում:
Շողիկ Գալստյան
