07.10.2026 | 19:12
Թուրքական նավերի վրա հարձակումներից հետո Էրդողանը Պուտինի հետ Սև ծովում անվտանգության հարցն է քննարկել
ԱՄՆ-ն ընդլայնել է Ռուսաստանի և Բելառուսի դեմ պատժամիջոցները
Քաղաքականություն
06.12.2023 | 15:00
ԱՄՆ Ֆինանսների նախարարության արտաքին ակտիվների վերահսկման գրասենյակն (OFAC) ընդլայնել է Ռուսաստանի և Բելառուսի դեմ պատժամիջոցների ցանկը՝ ներառելով ևս 13 ֆիզիկական և 20 իրավաբանական անձի: Այս մասին ասվում է գերատեսչության կայքում հրապարակված հաղորդագրությունում։
Սահմանափակումների տակ են հայտնվել Ռուսաստանի, Բելառուսի, ինչպես նաև Բելգիայի, Նիդերլանդների և Շվեդիայի քաղաքացիներ։ Ի թիվս այլոց՝ սև ցուցակում են բելառուս գործարարներ Ալեքսանդր Շակուտինը, Պավել Թոփուզիդիսը և Վիկտոր Պետրովիչը, որոնց Ֆինանսների նախարարությունն անվանում է «Ալեքսանդր Լուկաշենկոյի դրամապանակները»։
Սահմանափակումները վերաբերել են նաև Բելառուսի Կարմիր Խաչի կոմիտեի գլխավոր քարտուղար Դմիտրի Շևցովին։ ԱՄՆ Ֆինանսների նախարարությունը նրան մեղադրում է Կիևի կողմից չվերահսկվող տարածքներից ուկրաինացի երեխաների արտաքսման մեջ։
ԱՄՆ-ի պատժամիջոցների ենթարկվող ընկերությունների թվում են բելառուսական ձեռնարկությունները, որոնք կապված են ռուսական պաշտպանական արդյունաբերության հետ, ինչպես նաև կառույցներ Կիպրոսից, Բելգիայից, Նիդերլանդներից և Չինաստանից։
Պատժամիջոցների ցուցակում ընդգրկվելը ենթադրում է ԱՄՆ-ում ակտիվների սառեցում և ամերիկյան քաղաքացիների ու ընկերություններին առնչվող անձանց հետ բիզնես վարելու արգելք։
