29.04.2026 | 18:50
Ժոզե Մոուրինյուն արձագանքել է «Ռեալ» վերադառնալու մասին լուրերին
Ալիևը հայտարարել է, թե «Ղարաբաղում բնակվողները երկու ընտրություն ունեն՝ դառնալ Ադրբեջանի քաղաքացի կամ բնակության այլ վայր ընտրել»
Քաղաքականություն
06.12.2023 | 14:43
Ադրբեջանի նախագահ Իլհամ Ալիևը ADA համալսարանում կազմակերպված համաժողովին ունեցած ելույթում անդրադառնալով Արցախի դեմ սեպտեմբերի 19-ի ռազմական ագրեսիային և դրան հաջորդած էթնիկ զտմանը՝ հայտարարել է, թե Ադրբեջանի ռազմական գործողությունների հետևանքով Արցախում «խաղաղ բնակիչների կորուստներ ու ենթակառուցվածքներին վնասներ չեն եղել»։
«Ղարաբաղյան երկրորդ պատերազմի ավարտից հետո մեր դիրքորոշումը հստակ էր. Ղարաբաղում բնակվողներն ունեն երկու ընտրություն՝ կա՛մ նրանք դառնում են Ադրբեջանի քաղաքացի, և նրանց համար ստեղծվում են բոլոր իրավական շրջանակները, կա՛մ բնակության այլ վայր են ընտրում։ Ուրիշ ճանապարհ չկա»,- հայտարարել է Ալիևը։
Ադրբեջանի նախագահը նաև ասել է, թե Արցախի հայերի համար գործում է էլեկտրոնային պորտալ, և «արդեն մի քանի դիմումներ են ստացվել»։
«Միգրացիոն պետական ծառայության և բնակչության սոցիալական պաշտպանության նախարարության ներկայացուցիչներին հանձնարարել ենք ստեղծել համապատասխան պայմաններ։ Նրանց պետք է ապահովել սննդով, ջեռուցմամբ և կենցաղային այլ պայմաններով։ Չեմ ասում, որ շատ են մնացել։ Սակայն այն հայերը, որոնք որոշել են մնալ, արդեն իսկ օգտվում են այդ պայմաններից»,- ասել է Ալիևը։
Նշենք, որ ըստ տարբեր տեղեկությունների՝ Արցախում մնացած շուրջ երկու տասնյակ հայերի կարիքներով զբաղվում են Կարմիր Խաչի միջազգային կոմիտեի ներկայացուցիչները։
Էմմա Չոբանյան
