03.04.2026 | 23:13
NASA-ն հրապարակել է Երկրի նոր լուսանկարը
ԱՄՆ պետքարտուղարի օգնականը կայցելի Բաքու՝ աջակցելու Հայաստան-Ադրբեջան խաղաղության գործընթացին
05.12.2023 | 11:20
ԱՄՆ պետքարտուղարի եվրոպական ու եվրասիական հարցերով տեղակալ Ջեյմս Օ՛ Բրայենը դեկտեմբերի 6-8-ը այցով կլինի Բաքվում և Բուխարեստում։
«Բաքվում գտնվելու ընթացքում պետքարտուղարի օգնականը հանդիպելու է Ադրբեջանի պաշտոնյաների հետ՝ երկկողմ հարաբերությունների ամրապնդման և Ադրբեջանի ու Հայաստանի միջև խաղաղությանն աջակցելու համար»,-ասվում է պետքարտուղարության հաղորդագրության մեջ։
Հիշեցնենք, որ Բաքուն ավելի վաղ հրաժարվել էր նոյեմբերի 20-ին Վաշինգտոնում ծրագրվող հայ-ադրբեջանական բանակցություններից։
Բուխարեստում Օ’Բրայենը Ռումինիայի, Ուկրաինայի, Մոլդովայի և Եվրոպական հանձնաժողովի բարձրաստիճան պաշտոնյաների հետ մասնակցելու է հացահատիկի արտահանման թեմային նվիրված գագաթնաժողովին։
