24.06.2026 | 23:13
Վստահ եմ, որ ամուր գործընկերությունը կշարունակի զարգանալ. ՊԵԿ նախագահը՝ ՎԶԵԲ ներկայացուցիչներին
Արդեն Եվրոպայում․ Չինաստանից թոքաբորբն արագորեն տարածվում է աշխարհով մեկ
Քաղաքականություն
04.12.2023 | 19:18
Երեխաների շրջանում Mycoplasma բակտերիայով պայմանավորված թոքաբորբով հիվանդանալու դեպքեր սկսել են գրանցվել ոչ միայն Չինաստանում, այլ նաև Դանիայում, Ֆրանսիայում և Նիդերլանդներում։ Հիվանդության բռնկում է գրանցվել նաև ԱՄՆ Օհայո նահանգում։
Այլ երկրներում դեռևս չկա միկոպլազմային թոքաբորբի համատարած կամ ընդգծված աճ, սակայն այս բակտերիան սովորաբար համաճարակներ է առաջացնում յուրաքանչյուր մեկից երեք տարին մեկ: ԱՄՆ-ում հիվանդության իրական ալիք չի եղել մինչ Covid-19-ի համաճարակը, հայտնում է CNN-ը։ Ուստի փորձագետները կանխատեսում են, որ այս տարի ևս մեկ բռնկում կլինի։
«Մենք ակնկալում ենք, որ որոշ սեզոններ միկոպլազմայի վարակների դեպքում մյուսներից ավելի վատ կլինեն և, իհարկե, թվում է, որ ԱՄՆ-ում և Եվրոպայում այս տարի կարող է ավելի վատ լինել, քան մյուս տարիները»,- բացատրել է Վանդերբիլթի համալսարանի մանկական ինֆեկցիոն հիվանդությունների մասնագետ Բադի Կրիչը:
Անցյալ շաբաթ եվրոպացի փորձագետները, որոնք միկոպլազմայի հսկողություն են իրականացրել 24 երկրների 45 վայրերում, հայտնել են, որ հիվանդության դեպքերը, որոնք նվազել են մինչև 1%-ից պակաս՝ կորոնավիրուսային համաճարակի ժամանակ, տարեսկզբին կրկին սկսել է աճել: Ըստ The Lancet Microbe-ում հրապարակված զեկույցի՝ այս տարվա ամռան և աշնան համեմատ գրանցվել է ավելի քան չորս անգամ միջին աճ, ընդ որում՝ ավելի մեծ աճ է գրանցվել Ասիայում ու Եվրոպայում:
