07.10.2026 | 14:29
Սեպտեմբերին Հայաստան է այցելել 290 հազար զբոսաշրջիկ․ Պապոյան
Բուլղարիայի նախագահը վետո է դրել Ուկրաինա զրահատեխնիկայի մատակարարման վրա
Քաղաքականություն
04.12.2023 | 18:29
Բուլղարիայի նախագահ Ռումեն Ռադևն օգտագործել է վետոյի իր իրավունքը՝ արգելափակելու երկրի խորհրդարանի կողմից հաստատված զրահատեխնիկայի մատակարարումն Ուկրաինային։ Այս մասին հայտնում է Ազատություն ռադիոկայանի բուլղարական ծառայությունը՝ հղում անելով Ռադևի մամուլի ծառայությանը, գրում է Meduza-ն։
Խոսքը Ուկրաինային 100 զրահափոխադրիչների մատակարարման մասին է։ Համապատասխան համաձայնագիրն օգոստոսին կնքել էին Բուլղարիայի ՆԳՆ-ն և Ուկրաինայի ՊՆ-ն, իսկ նոյեմբերի վերջին այն վավերացվել էր խորհրդարանի կողմից։
Կիևի համար նախատեսված զրահափոխադրիչներն արտադրվել են մոտ 40 տարի առաջ, Բուլղարիայի ՆԳՆ-ն այդ տեխնիկան անվանել է հնացած։ Այնուամենայնիվ, Ռումեն Ռադևը պնդում է, որ այդ զրահամեքենաները կարող են օգտագործվել երկրի ներսում, օրինակ՝ սահմանների պաշտպանության կամ բնական աղետների դեմ պայքարելու համար։
«Ես ղեկավարվում եմ համոզմունքով, որ անվտանգությունը, առողջությունը և Բուլղարիայի քաղաքացիների կյանքը պետք է լինեն գլխավոր առաջնահերթությունը»,- ասվում է նախագահի հայտարարության մեջ։
Խորհրդարանը հնարավորություն ունի վերացնել նախագահի վետոն, սակայն առայժմ հայտնի չէ՝ դա արվելու՞ է, թե՞ ոչ։
Էմմա Չոբանյան
