07.10.2026 | 11:20
Հայտնի է հունահռոմեական ոճի ըմբշամարտի Հայաստանի հավաքականի կազմն ԱԱ-ում
Սպիտակ տանը նախազգուշացրել են Ուկրաինայի օգնության համար միջոցների սպառման մասին
Քաղաքականություն
04.12.2023 | 17:43
Սպիտակ տան բյուջեի հարցերով տնօրեն Շալանդա Յանգը նամակ է հղել Կոնգրեսի նախագահ Մայքլ Ջոնսոնին, որում ասվում է, որ սպառվում են ԱՄՆ-ի ժամանակն ու միջոցները Ռուսաստանի հետ պատերազմում Ուկրաինային օգնելու համար, գրում է VOA-ն։
Նախագահ Ջո Բայդենի վարչակազմը հոկտեմբերին Կոնգրեսից խնդրել է մոտ 106 միլիարդ դոլարի օգնություն Ուկրաինայի, Իսրայելի և ԱՄՆ սահմանային անվտանգության համար:
Հանրապետականները ոչ մեծ առավելությամբ վերահսկում են Ներկայացուցիչների պալատը, իսկ Ուկրաինայի ֆինանսավորումը դարձել է քաղաքական վիճելի հարց որոշ աջակողմյան օրենսդիրների համար:
Յանգն ասել է, որ Ուկրաինային ֆինանսավորման և զենքի մատակարարումների դադարեցումը կմեծացնի Ռուսաստանի հաղթանակների հավանականությունը:
«Ես ուզում եմ հստակեցնել՝ առանց Կոնգրեսի գործողությունների, մինչև տարեվերջ մենք կսպառվենք Ուկրաինայի համար նոր զենք և սարքավորումներ ձեռք բերելու, ինչպես նաև ամերիկյան ռազմական պահեստից սարքավորումներ տրամադրելու միջոցները։ Մենք չունենք կախարդական ֆինանսավորման աղբյուր այս խնդիրը լուծելու համար: Մեր փողերը վերջանում են, և գրեթե սպառվում է ժամանակը»,- գրել է նա:
