Քաղաքականություն
04.12.2023 | 15:38
ՄԱԿ-ի մանկական հիմնադրամի (ՅՈՒՆԻՍԵՖ) խոսնակ Ջեյմս Էլդերը հայտարարել է, որ լուրջ մտահոգություններ կան Գազայի հարավում Իսրայելի ռազմական գործողության ազդեցության վերաբերյալ, գրում է BBC-ի ռուսական ծառայությունը:
«Ամենաբարձր մակարդակներից նախազգուշացումներ եղան, որ այն, ինչ տեղի ունեցավ հյուսիսում, այն սարսափը, որը մարդիկ ապրեցին, չպետք է տեղի ունենա հարավում: Բայց հենց դա էլ տեղի է ունենում»,- ասել է Էլդերը:
Նրա գնահատմամբ՝ ռումբերն ընկնում են «10 րոպեն մեկ»։ Ըստ ՄԱԿ-ի պաշտոնյայի՝ Հարավային Գազայի բնակիչների համար կյանքին սպառնացող վտանգին ավելացել է նաև հոգնածությունը։
«Մարդիկ երեք կամ չորս անգամ տեղահանվել են ռմբակոծությունների պատճառով, նրանք հոգնած են, ուժասպառ են, փորձում են ուժերը պահպանել իրենց երեխաների համար, նրանք գնալու տեղ չունեն»,- ասել է Էլդերը:
«Երբ տեսնում եմ, թե ինչպես են երեխաներին մեկը մյուսի հետևից բերում, երբ ծնողները պատգարակների վրա գոռում են պատերազմի ժամանակ ստացած սարսափելի վերքերից, ժամ առ ժամ նրանք ապահով չեն հիվանդանոցներում, ապահով չեն ապաստարաններում։ Ես չեմ կարող ինձ անվտանգ զգալ, և ոչ ոք չի կարող իրեն անվտանգ զգալ»,- հավելել է նա:
