30.04.2026 | 15:10
ՀՀ-ն հետընթաց է ապրել մամուլի ազատության ինդեքսում // Փաշինյանը՝ գերիների վերադարձի մասին․ ԼՈՒՐԵՐ
ՄԱԿ-ը կոչ է արել ԼՂ հակամարտող կողմերին վերադառնալ բանակցային սեղանի շուրջ
Քաղաքականություն
07.07.2017 | 14:45
Միավորված ազգերի կազմակերպությունը մտահոգված է Լեռնային Ղարաբաղի շփման գծում բռնության նոր դեպքերի գրանցման առնչությամբ և կոչ է անում ԼՂ հակամարտող կողմերին վերադառնալ բանակցային սեղանի շուրջ : Այս մասին Նյու Յորքում ճեպազրույցի ընթացքում խոսել է ՄԱԿ-ի գլխավոր քարտուղարի մամուլի խոսնակ Ստեֆան Դյուջարիկը:
«Ինչպես ՄԱԿ-ի գլխավոր քարտուղարը նշել է 2017 թվականի հունիսի 22-ի հայտարարության մեջ՝ մենք բոլորս մեծապես անհանգստացած ենք անվտանգության վիճակի վատթարացմամբ, այդ թվում և շփման գծում և Լեռնային Ղարաբաղի հակամարտության ավելի լայն շրջանում հրադադարի ռեժիմի խախտումների առնչությամբ»,- Նյու Յորքում ասել է Դյուջարիկը:
Մենք ի գիտություն ենք ընդունել և հայտարարել ենք, որ աջակցում ենք ԵԱՀԿ Մինսկի խմբի վերջին հայտարարությանը՝ կապված հուլիսի 4-ին Ֆիզուլիի շրջանի Ալխանլի շրջանում հրադադարի ռեժիմի խախտման հետ, որը մարդկային զոհերի, այդ թվում և քաղաքացիական անձանց մահվան պատճառ է դարձել:
«Մենք կոչ ենք անում կողմերին զերծ մնալ ցանկացած ռազմական գործողությունից և խստորեն հորդորում ենք նրանց անհապաղ քայլեր ձեռնարկել լարվածությունը թուլացնելու և հետագա բռնությունը կանխելու նպատակով: Ամենասեղմ ժամկետներում բանակցային սեղանի շուրջ բարի կամքով վերադառնալը միակ ճանապարհն է՝ լուծելու այս երկարատև ու վտանգավոր հակամարտությունը»,- ասվում է մամուլի խոսնակի հայտարարության մեջ:
