05.09.2026 | 22:55
«Ինտերը» 0:2-ից հետո կամային հաղթանակ է տարել «Նապոլիի» նկատմամբ. ՏԵՍԱՆՅՈՒԹ
Մեկուսարանի հարցում Ռոբերտ Քոչարյանն արտոնություն չի ունենա
Հասարակություն
30.07.2018 | 20:40
Ռոբերտ Քոչարյանի կալանավորումից մեկ օր անց ՀՀ արդարադատության նախարարության «Երևան-Կենտրոն» քրեակատարողական հիմնարկ է այցելել Մարդու իրավունքների պաշտպան Արման Թաթոյանը։
Պաշտպանն առանձնազրույց է ունեցել Ռոբերտ Քոչարյանի հետ, ուսումնասիրվել են կալանավորված նախագահի պահման պայմանները, իսկ բարձրացված մի շարք հարցեր քննարկվել են քրեակատարողական հիմնարկի վարչակազմի հետ և ստացել լուծումներ:
Այս մասին Factor.am-ին փոխանցեցին ՄԻՊ գրասենյակից։
Հարցին՝ արդյոք պաշտպանի հետ առանձնազրույցում քննարկվել են 2-րդ նախագահի առողջությանը վերաբերող հարցեր, ՄԻՊ-ից պատասխանեցին․ «Առողջական խնդիրների վերաբերյալ առանձնազրույցի ընթացքում քննարկում չի եղել, և 2-րդ նախագահը առողջական խնդիրների մասին հարց չի բարձրացրել»։
Ճշտող հարցին՝իսկ Ռոբերտ Քոչարյանի համար առանձնացվե՞լ է հատուկ մեկուսարան և արդյոք նա այս հարցում ունի արտոնություններ մյուս կալանավորների նկատմամբ, պատասխանեցին․
«Որևէ արտոնություն այս հարցում օրենքը չի սահմանում»։
Աղավնի Սուքիասյան
