24.11.2024 | 10:17
Հրդեհ ավտոտնակում․ այրվել է երկու ավտոմեքենա
ԵԱՀԿ 36 երկրներ կոչ են արել ՌԴ-ին՝ «ամբողջությամբ և անվերապահորեն» դուրս բերել զորքերը Ուկրաինայի տարածքից
Քաղաքականություն
30.11.2023 | 18:48
ԵԱՀԿ Նախարարների խորհրդում ԵՄ անդամները և ինը այլ երկրներ կոչ են արել Ռուսաստանին անհապաղ դադարեցնել իր ագրեսիվ պատերազմն Ուկրաինայի դեմ և «ամբողջովին ու անվերապահորեն» դուրս բերել բոլոր զորքերն ու տեխնիկան երկրի ամբողջ տարածքից, փոխանցում է censor.net։
Համապատասխան կոչն արված է Եվրամիության հայտարարության մեջ, որը հրապարակվել է հինգշաբթի Սկոպյեում ԵԱՀԿ նախարարների խորհրդի լիագումար նիստում։
«Մենք ևս մեկ անգամ կոչ ենք անում Ռուսաստանին անհապաղ դադարեցնել Ուկրաինայի դեմ ագրեսիվ պատերազմը և ամբողջությամբ ու անվերապահորեն դուրս բերել իր բոլոր զորքերն ու զինտեխնիկան Ուկրաինայի ամբողջ տարածքից՝ միջազգայնորեն ճանաչված սահմաններով»,- ասվում է ԵՄ պատվիրակության հայտարարության մեջ։
Նշվում է, որ «բոլոր անձինք, այդ թվում՝ ղեկավար պաշտոններ զբաղեցրածները, ովքեր պատասխանատու են Ուկրաինայում ռուսական ագրեսիայի ընթացքում կատարված խախտումների համար, պետք է պատասխանատվության ենթարկվեն»։
