Քաղաքականություն
30.11.2023 | 14:59
ԱՄՆ պետքարտուղար Էնթոնի Բլինքենը հոկտեմբերի 7-ին Իսրայել-ՀԱՄԱՍ պատերազմի մեկնարկից ի վեր արդեն երրորդ այցն է կատարում տարածաշրջան։ i24 news-ի հաղորդմամբ՝ Բլինքենն Իսրայելում է, որտեղ հանդիպել է նախագահ Իցհակ Հերցոգի հետ։
Նա կարևորել է Իսրայելի և ՀԱՄԱՍ-ի միջև ժամանակավոր զինադադարի կառուցողական արդյունքները՝ հույս հայտնելով, որ այն կշարունակվի։
Շնորհակալություն հայտնելով ամերիկյան աջակցության համար՝ Հերցոգն ընդգծել է Գազայում պատանդների ազատ արձակմանն ուղղված շարունակական ջանքերը։
«Վերջին շաբաթվա ընթացքում մենք ականատես եղանք դրական զարգացումների՝ պատանդների վերադարձով տուն և ավելացել է մարդասիրական օգնությունը, որը հասնում է Գազայի անմեղ քաղաքացիներին, որոնք շտապ օգնության կարիք ունեն»,- նշել է Բլինքենը։
Ակնկալվում է, որ Բլինքենը, այցելելու է նաև Հորդանանի Արևմտյան ափ՝ հանդիպելու Պաղեստինի նախագահ Մահմուդ Աբասի հետ:
Էմմա Չոբանյան
