07.10.2026 | 15:08
Վինչենցո Մոնտելան կհեռացվի Թուրքիայի հավաքականի գլխավոր մարզիչի պաշտոնից
Ալմաթիում հոսթելում բռնկված հրդեհը 13 մարդու կյանք է խլել
Քաղաքականություն
30.11.2023 | 13:16
Ղազախստանի նախկին մայրաքաղաք Ալմաթիում 13 մարդ է զոհվել եռահարկ բնակելի շենքի առաջին հարկում և նկուղում գտնվող հոսթելում բռնկված հրդեհի հետևանքով։ Դեպքը տեղի է ունեցել նոյեմբերի 30-ի վաղ առավոտյան, հայտնում է Արտակարգ իրավիճակների քաղաքային վարչությունը, փոխանցում է DW-ի ռուսական ծառայությունը։
Orda.kz-ի տվյալներով՝ զոհերի թվում կա Ղազախստանի 9, Ռուսաստանի և Ուզբեկստանի 2 քաղաքացի։ Ընդհանուր առմամբ, հրդեհի պահին հոսթելում գտնվել է 72 մարդ։ Փրկարարները ենթադրում են, որ տուժածները թունավորվել են շմոլ գազից։ Միաժամանակ, 59 մարդ ինքնուրույն լքել է հոսթելի տարածքը։
Հրդեհը գրանցվել է տեղական ժամանակով 05.33-ին, հրդեհի տարածքը կազմել է շուրջ 30 քմ։
Կրակը մեկուսացվել է մեկ ժամվա ընթացքում, հրդեհաշիջման աշխատանքներին մասնակցել է 46 մարդ և 13 միավոր տեխնիկա։ Հրդեհի պատճառները պարզվում են։
