15.05.2026 | 23:20
Հուլիսի 1-ից Երևան-Բուխարեստ նոր ուղիղ չվերթ կմեկնարկի
ՌԴ ԱԳ փոխնախարարը չի բացառել ՆԱՏՕ-ի հետ պատերազմը
Քաղաքականություն
29.11.2023 | 17:54
Ռուսաստանն ու ՆԱՏՕ-ն տեսանելի ապագայում չեն վերականգնի հարաբերությունները: Ավելին, նրանց միջև հնարավոր է ռազմական բախում։ Այս մասին ռուսական «Իզվեստիա»-ին տված հարցազրույցում ասել է ՌԴ փոխարտգործնախարար Սերգեյ Ռյաբկովը։
«Կախված է Հյուսիսատլանտյան դաշինքից: Ընտրությունն ամբողջությամբ ՆԱՏՕ-ի կողմն է: Մենք պատրաստ ենք, ինչպես արդեն ցույց է տրվել, մեր տրամադրության տակ եղած բոլոր միջոցներով պաշտպանել մեր ազգային շահերը»,- ասել է Ռյաբկովը՝ պատասխանելով հարցին՝ արդյո՞ք ապագայում զինված հակամարտության կարելի է սպասել։
«Չեմ կարծում, որ տեսանելի ապագայում Ռուսաստան-ՆԱՏՕ հարաբերություններն այս կամ այն ձևով կվերականգնվեն։ Սա բացառված է թե՛ սկզբունքային, թե՛ գործնական նկատառումներով։ Եթե Արևմուտքում որևէ մեկը կարծում է, որ մեզ պետք են այդ հարաբերությունները, որ ինչ-որ պահի կգանք և կխնդրենք վերականգնել դրանք, ապա սա ամենամեծ սխալն է»,- հայտարարել է նա։
Ռյաբկովը հավելել է, որ Ռուսաստանը դեռ պատրաստ է բանակցել «միայն հավասար և փոխադարձ հարգանքի հիման վրա»։
«Եվ հիմա, տեղի ունեցողի ֆոնին, ես նույնիսկ չեմ կարող պատկերացնել, թե ինչ իրավիճակում և ենթատեքստում է դա հնարավոր»,- եզրափակել է նա։
