26.06.2026 | 11:57
ՍԴ-ն անկախության, չեզոքության դեֆիցիտ ունի. Արամ Վարդևանյան․ ՏԵՍԱՆՅՈՒԹ
ՀԱՄԱՍ-ը պատրաստ է ևս չորս օրով երկարաձգել զինադադարը՝ նույն պայմաններով. AFP
Քաղաքականություն
29.11.2023 | 16:08
ՀԱՄԱՍ-ը «համաձայն է չորս օրով երկարաձգել զինադադարը»՝ նույն պայմաններով։ Այս մասին AFP-ին հայտնել է ՀԱՄԱՍ-ին մոտ կանգնած անանուն աղբյուրը, փոխանցում է BBC-ի ռուսական ծառայությունը։
Համաձայնեցված պայմանները ներառում էին օրական առնվազն 10 իսրայելցի պատանդների ազատ արձակում՝ իսրայելական բանտերից պաղեստինցի բանտարկյալների ազատման դիմաց, մարդասիրական մուտքը Գազայի հատված և իսրայելական թռիչքների (ներառյալ՝ անօդաչու թռչող սարքերի) կասեցումը Գազայի հատվածի վրայով: Այս համաձայնությունը գործում է արդեն վեց օր, այն արդեն մեկ անգամ երկարացվել է երկու օրով։
Տեսականորեն նոր ժամկետը լրանում է այսօր, սակայն Կատարում դեռևս ինտենսիվ բանակցություններ են ընթանում Իսրայելի, ԱՄՆ-ի և Եգիպտոսի հետախուզական ծառայությունների ղեկավարների մասնակցությամբ՝ զինադադարը ևս մի քանի օրով երկարաձգելու համար։
