Քաղաքականություն
29.11.2023 | 17:25
ՄԱԿ-ում Իրանի մշտական ներկայացուցիչ Ամիր-Սայիդ Իրվանին կազմակերպությանը կոչ է արել աջակցել Պաղեստինի անկախ պետության ձևավորմանը և առաջնահերթություն համարել Պաղեստինի ընդունումը ՄԱԿ-ում որպես լիիրավ անդամ, հայտնում է IRNA-ն։
Այս պահին, ՄԱԿ-ի Գլխավոր վեհաժողովի 2012 թվականի բանաձևի համաձայն, Պաղեստինին շնորհվել է դիտորդ պետության կարգավիճակ, որը ՄԱԿ-ի անդամ չէ։
«Պաղեստինի ժողովուրդը պետք է աջակցություն ստանա միջազգային մակարդակով։ Իսրայելի ռեժիմին չի կարելի թույլ տալ հանցագործությունների հետաքննության հարցում անձեռնմխելիություն վայելել։ Այս ռեժիմին պետք է պարտադրել կատարել իր պարտավորությունները, Գազայի պաշարումը և օկուպացիան պետք է ավարտվի, և պետք է աջակցություն ցուցաբերվի Պաղեստինի անկախ պետության ձևավորմանը, և այս համատեքստում առաջնահերթություն կլինի Պաղեստինին ՄԱԿ-ում լիիրավ անդամակցություն տալը»,- ասել է Իրվանին։
