02.11.2024 | 11:21
Նավթի գները նվազել են
Գերմանիան հերքել է Ադրբեջանի ԱԳՆ-ի մեղադրանքները
Քաղաքականություն
29.11.2023 | 15:12
Բաքվում Գերմանիայի դեսպանատունը հերքել է Abzas Media առցանց լրատվամիջոցի ապօրինի ֆինանսավորման վերաբերյալ Ադրբեջանի ԱԳՆ-ի մեղադրանքները։ Գերմանիայի դեսպանությունը թեմայի վերաբերյալ հաղորդագրություն է տարածել։
«Ցավում ենք, բայց որոշ լրատվամիջոցների կողմից տարածված տեղեկատվությունը ստույգ չէ, ինչը մենք այսօր Ադրբեջանի ԱԳ նախարարությունում բացատրեցինք բարձրաստիճան պաշտոնյային, որը դա ի գիտություն է ընդունել։ Գերմանիայի դեսպանատունը մշտապես աջակցում է Մոհամմեդ Կեկալովին և նրա սոցիալական պատասխանատվությունը հաշմանդամություն ունեցող անձանց նկատմամբ, այդ թվում՝ 1500 եվրոյի չափով ֆինանսական ներդրումը 2021 թվականի դեկտեմբերի 3-ին հաշմանդամների միջազգային օրվա կապակցությամբ KEKALOVE ADAPTIVE-ի կողմից կազմակերպված նորաձևության ցուցադրության համար, վերջերս էլ՝ գերմանական նստավայրում՝ այս տարվա մայիսին։ Մենք շատ անհանգստացած ենք պարոն Կեկալովին ներկայացված մեղադրանքներով և ակնկալում ենք, որ դատավարությունը կլինի արդար»,- ասվում է հայտարարության մեջ։
Հիշեցնենք, որ նախօրեին Ադրբեջանի ԱԳՆ էին կանչվել Բաքվում Ֆրանսիայի դեսպանը, ինչպես նաև ԱՄՆ-ի և Գերմանիայի գործերի ժամանակավոր հավատարմատարները։ Բաքուն նրանց բողոք էր ներկայացրել Abzas Media-ին ապօրինի ֆինանսավորելու մեջ։ Նշվել է, որ «ԱՄՆ Միջազգային զարգացման գործակալությունը, FreedomNow-ն, New Democracy Fund-ը և այլ կազմակերպություններ անօրինական կերպով ֆինանսական միջոցներ են փոխանցել Ադրբեջանի տարածք՝ խախտելով դրամաշնորհների տրամադրման կանոնները, ինչպես նաև անօրինական ներդրում են կատարել AbzasMedia-ի գործունեության մեջ»։
Հավելենք, որ վերջերս 4 ամսով կալանավորվել են իշխանությունների կառուպցիոն գործունեությունը հետաքննող AbzasMedia-ի տնօրեն Ուլվի Հասանլին, գլխավոր խմբագիր Սևինջ Վաքըֆքըզին և աշխատակից Մոհամմեդ Կեկալովը։ Վերջինը մի շարք ծրագրեր է իրականացնում՝ ուղղված փոքրամասնություններին և հաշմանդամություն ունեցող անձանց աջակցելուն՝ արևմտյան տարբեր երկրների դեսպանատների հետ համագործակցությամբ։
Էմմա Չոբանյան
