15.09.2026 | 19:51
«Չենք մոռանա մեր դեմ կատարված վայրագությունները»․ Ալիևը ՀՀ-ին մեղադրել է «հանցագործությունների» մեջ
G7-ը կողմ է արտահայտվել Գազայում հրադադարի երկարաձգմանը, սակայն մշտական հրադադարի կոչ չի արել
Քաղաքականություն
29.11.2023 | 11:12
«Մեծ յոթնյակ»-ի արտգործնախարարները կոչ են արել երկարաձգել հրադադարը Գազայում և անհապաղ ազատ արձակել բոլոր պատանդներին: Այս մասին ասված է ԱՄՆ Պետդեպարտամենտի կողմից հրապարակված հայտարարության տեքստում։
Երեքշաբթի օրը Վաշինգտոնում կայացած հանդիպման ժամանակ ընդունված համատեղ հայտարարության սկզբում G7-ի երկրների արտգործնախարարները հատուկ նշում են, որ ճանաչում են Իսրայելի ինքնապաշտպանության իրավունքը, բացի այդ՝ հայտարարության մեջ մշտական հրադադարի կոչ չկա։
«Մենք աջակցում ենք այս դադարի հետագա երկարաձգմանը և ապագա դադարներին, որոնք անհրաժեշտ են օգնության մատակարարումների ավելացման և բոլոր պատանդների ազատ արձակումն ապահովելու համար», – ասվում է հայտարարության տեքստում։
«Ամեն ջանք պետք է գործադրվի խաղաղ բնակչությանը մարդասիրական աջակցություն ցուցաբերելու համար՝ ներառյալ սննդի, ջրի, վառելիքի և դեղորայքի մատակարարումները», – կոչ են անում G7-ի նախարարները:
«Մեծ յոթնյակ»-ի կազմում ընդգրկված են Մեծ Բրիտանիան, Գերմանիան, Իտալիան, Կանադան, ԱՄՆ-ը, Ֆրանսիան և Ճապոնիան: Բացի այդ, G7-ի աշխատանքներին մասնակցում են Եվրամիության կենտրոնական մարմինների ղեկավարները։
