23.07.2026 | 23:28
Կապանը` ԱՊՀ 2026 թվականի երիտասարդական մայրաքաղաք
Մոսկովյան դպրոցի ուսուցիչը գրատախտակին գրել է «Փառք Ուկրաինային»․ ոստիկանները տարել են նրան
Քաղաքականություն
28.11.2023 | 20:41
Մոսկվայի թիվ 1619 դպրոցի ինֆորմատիկայի ուսուցիչ Սերգեյ Ավերյանովը դասի ժամանակ ինտերակտիվ գրատախտակի վրա սվաստիկա է նկարել և գրել. «Փա՛ռք Ուկրաինային։ Մա՛հ ռուս ապուշներին»։ Դասի ժամանակ տեղի ունեցածի մասին դպրոցականները պատմել են մյուս ուսուցիչներին, գրում է Baza-ն։
Նշվում է, որ իրավապահ մարմինները ստուգում են ուսուցչին՝ ռուսական բանակը «վարկաբեկելու» համար։ Հաղորդվում է նաև, որ նոյեմբերի 28-ին ոստիկանությունը ժամանել է Մոսկվայի Ստրոգինո շրջանում գտնվող դպրոց և Ավերյանովին «տարել զրույցի»։
Դպրոցի տնօրեն Եվգենի Սկուդնովը ՌԻԱ Նովոստիին ասել է, որ միջադեպը դասարանում տեղի է ունեցել նոյեմբերի 27-ին։
Դպրոցի տնօրինությունն ուսուցչին անմիջապես հեռացրել է դասերից և դեպքի մասին հայտնել իրավապահ մարմիններին։ Ասվել է նաև, որ աուդիտ է անցկացվում, որի արդյունքներով կկայացվեն համապատասխան կադրային որոշումներ։
Սկուդնովը նաև պատմել է, որ արդեն իսկ անցկացվել է պրոֆիլակտիկ զրույց 9-րդ դասարանի աշակերտների հետ, որոնց դասին տեղի է ունեցել «միջադեպը»։ Նրա խոսքով՝ առաջիկայում նախատեսվում են համադպրոցական միջոցառումներ և զրույցներ աշակերտների հետ «ծայրահեղականության վտանգի և դրա դրսևորումների մասին»։
Էմմա Չոբանյան
