01.11.2024 | 23:19
Հրդեհ Գյումրու տներից մեկում
Հնդկաստանում փրկարարները հասել են 17 օր թունելի փլատակների տակ մնացած աշխատողներին
Քաղաքականություն
28.11.2023 | 16:57
Հնդկաստանում փրկարարները հասել են 17 օր թունելի փլատակների տակ մնացած աշխատողներին։ Այս մասին հայտնում է Bild-ը։
Փլատակների միջով փորվել է շուրջ 90 սանտիմետր տրամագծով խողովակ, հայտնել է շրջանային կառավարության ղեկավարը։ Փրկարարները ստիպված են եղել ձեռքով փորել վերջին մի քանի մետրը։
Այժմ 41 աշխատակից կարող է դուրս բերվել թունելից։ Մուտքի մոտ հերթապահում են շտապօգնության մեքենաները։
Նոյեմբերի 12-ից բանվորներն արգելափակված էին մնացել 4,5 կմ երկարությամբ ճանապարհային թունելում, որը մասամբ փլուզվել է շինարարության ընթացքում սողանքի հետևանքով։ Աշխատողներին նեղ խողովակներով մատակարարվում էր սնունդ, ջուր, թթվածին և դեղորայք։ Նրանք նաև հեռախոսային կապ ունեին, որի միջոցով կարող էին կապի մեջ մնալ հարազատների հետ։
