15.01.2026 | 12:47
Անի Ամիրաղյանը դուրս է եկել 1/8 եզրափակիչ
Եվրախորհրդարանը և Ռադան փոխըմբռնման հուշագիր են ստորագրել
Քաղաքականություն
28.11.2023 | 17:26
Եվրախորհրդարանի նախագահ Ռոբերտա Մեցոլան և Ուկրաինայի Գերագույն Ռադայի նախագահ Ռուսլան Ստեֆանչուկը նոյեմբերի 28-ին փոխըմբռնման թարմացված հուշագիր են ստորագրել Ուկրաինայի և Եվրոպական խորհրդարանների միջև, գրում է DW-ի ռուսական ծառայությունը։
«Ես սկսում եմ աշխատանքային այցը Բելգիա։ Հիմնական նպատակն է մոբիլիզացնել ջանքերը՝ նպաստելու Ուկրաինայի եվրաինտեգրման և անդամակցության բանակցությունների մեկնարկի հետ կապված կարևոր որոշումների կայացմանը։ Մենք նաև պատրաստվում ենք ստորագրել փոխըմբռնման հուշագիր Ռադայի և Եվրախորհրդարանի միջև։ Սա կարևոր փաստաթուղթ է»,- Բրյուսել պաշտոնական այցն այսպես է մեկնաբանել Ստեֆանչուկը։
Բրյուսելում հուշագրի ստորագրումն անվանել են «կարևոր քայլ բազմաչափ գործընկերության ամրապնդման գործում» և «ուկրաինական քաղաքական ինստիտուտներին ԵՄ-ին ինտեգրման նախապատրաստելու ամենակարևոր տարրը»:
Եվրախորհրդարանի նախագահների համաժողովը վերահաստատել է իր աջակցությունը Եվրախորհրդի որոշմանը՝ Ուկրաինային ԵՄ անդամակցության թեկնածուի կարգավիճակ տրամադրելու վերաբերյալ:
Բացի այդ, Բրյուսելը Կիևին հավաստիացրել է Ռուսաստանի կողմից սանձազերծված պատերազմի հաղթահարման հարցում աջակցությունը։
