23.11.2024 | 20:00
Չի ներկայացվել գույքի և ունեցվածքի 509 հայտարարագիր՝ 4 տարում․ ի՞նչ է սպասվում օրինախախտներին. ՔՆՆԱՐԿՈՒՄ
ՀԱՄԱՍ-ի հետ խաղաղությունն անհնար է. իսրայելցի դիվանագետ
Քաղաքականություն
28.11.2023 | 16:32
Խաղաղություն և ՀԱՄԱՍ հասկացությունները չեն համապատասխանում միմյանց։ Այս մասին ասել է իսրայելցի բարձրաստիճան դիվանագետ, կառավարության ավագ խորհրդական Մարկ Ռեգևը:
«ՀԱՄԱՍ-ի հետ խաղաղությունն անհնար է, և նրանք բացահայտորեն հայտարարել են դա»,- ասել է Ռեգևը BBC-ի Newshour ծրագրին տված հարցազրույցում։
Ռեգևը, ըստ երևույթին, նկատի է ունեցել ՀԱՄԱՍ-ի ներկայացուցչին, որը վերջերս New York Times-ին տված հարցազրույցում ասել էր, թե խմբավորումն ակնկալում է, որ Իսրայելի հետ պատերազմը «մշտական կդառնա բոլոր սահմանների վրա»:
«Եվ դա է պատճառը, որ Իսրայելի հասարակությունը 100%-ով համախմբված է այն հարցում, որ մենք այլևս չենք ցանկանում ապրել մեր հարավային սահմանին ահաբեկչական այս անկլավի կողքին: Եվ մենք պետք է խոսենք առանց ՀԱՄԱՍ-ի ապագայի մասին»,- ասել է դիվանագետը։
Հարցին՝ Իսրայելը կաջակցի՞ Գազայի հատվածի վերականգնմանը, որի ենթակառուցվածքները լուրջ վնասներ են կրել Իսրայելի հետ պատերազմի ժամանակ, Ռեգևն ասել է, որ իր երկրի բյուջեն ուղղված է պաղեստինցի գրոհայինների հարձակումներից ավերված Իսրայելի հարավային համայնքների վերականգնմանը:
Դիվանագետն ակնկալում է, որ բազմաթիվ միջազգային գործընկերներ պատրաստ կլինեն ֆինանսավորել Գազայի հատվածի վերակառուցումը։
